Maʼlumki bugungi sovuq ob-havo hukmron boʻlib turgan bir vaqtda ayniqsa mahallalardagi ehtiyojmand oilalarni qoʻllab-quvvatlash, ularga koʻmak koʻrsatish bugungi kunda muhim vazifalardan hisoblanadi.

Respublika maʼnaviyat maʼrifat markazi Kattaqoʻrgʻon shahar boʻlinmasi boshligʻi Q.Boykolonov hamda Kattaqoʻrgʻon shahar Axborot-kutubxona markazi rahbari U.Negmatov ishtirokida "Kitobsiz taraqqiyotga, yuksak maʼnaviyatga erishib boʻlmaydi" shiori ostida shahrimizdagi xonadonlarga tashrif buyurishdi. Maʼnaviy targʻibot ishlarini amalga oshirishib, oilalarga kitoblar sovgʻa qilishdi.

Qishning sovuq kunlarida aholiga qulaylik yaratish maqsadida arzonlashtirilgan narxda mahalliy koʻmir mahsulotini ommaviy tarzda yetkazib berish koʻzda tutilgan. Bu borada shahrimizda ham sektorlar kesimida mahallalardagi koʻmirga ehtiyoji boʻlgan aholiga tarqatish ishlari amalga oshirilmoqda.

Shahar kuz-qish shtabi tomonidan aholi va ijtimoiy obyektlarni elektr energiyasi, tabiiy gaz va ichimlik suvi bilan taʼminlash hamda yuzaga kelayotgan muammolarni bartaraf qilish boʻyicha kunu-tun faoliyat olib borilmoqda.
Jumladan, shtab aʼzolari tomonidan aholining kommunal sohadagi hamda boshqa masalalar boʻyicha murojaatlarini tezkorlik bilan hal etish choralari koʻrilmoqda.   

Бугун Каттақўрғон шаҳар Драма театрида Ўзбекистон Республикаси Қуролли кучларининг 31 йиллиги ҳамда Ватан ҳимоячилари кунига бағишланган маданий-маърифий тадбир кўтаринки руҳда ўтказилди.