Туман ҳокимининг маърузалари

Каттақўрғон шаҳар ҳокими М.Хашимовнинг

ТАБРИК СЎЗИ

 

Ассалому алайкум, азиз ҳамшаҳарлар, меҳмонлар!

Қадрли байрам иштирокчилари!

Мамлакатимиз тараққиётининг мустаҳкам пойдевори, барчамиз учун муқаддас саналган Ўзбекистон Республикаси Конституцияси бугунги кунда ҳар биримиз учун фахр-ифтихор ва юксак ғурур билан нишонланадиган айёмга айланган.

Бош Қомусимиз мана 26 йилдирки юртимизда озод демократик жамият барпо этишнинг, кенг кўламли ислоҳотларнинг мустаҳкам  қонуний асоси, озод ва эркин ҳаётимизнинг кафолати бўлиб хизмат қилмоқда.

Бугунги кунда ер шарининг кўплаб минтақаларида, ҳатто энг ривожланган давлатларда ҳам сиёсий парокандалик, ўзаро зиддиятлар юз бераётгани, бундай нотинчликлар иқтисодий инқирозларга олиб келиб, инсонларнинг эртанги кунга бўлган ишончини сўндираётганига барчамиз гувоҳ бўлиб турибмиз.

Одамлар азиз жонини омон сақлаш учун ўзга юртлардан бошпана излашга мажбур бўлаётгани барчамизнинг бугунги тинч замоннинг қадрига етиш билан бирга, уни янада қадрлашга ундамоқда.

Ана шундай таҳликали шароитда Муҳтарам Юртбошимиз олиб бораётган оқилона, тинчликпарвар сиёсат туфайли Ўзбекистонимиз тинч, ҳар бир фуқаронинг эрки ва ҳуқуқи кафолатланган.

Эртанги кунга бўлган мустаҳкам ишонч туфайли тадбиркор ва ишбилармонлар сафи кундан кунга кенгайиб бормоқда.

Юртимизнинг қайси гўшасига ташриф буюрманг, бунёдкорлик, яратувчанлик намуналарини кўрасиз.

Биргина 2018 йилда шаҳримизда эхтиёжманд оилалар учун 4 та кўп қавватли 180 хонадондан иборат, 1 та 32 хонадонли Ёшлар уйи қуриб фойдаланишга топширилди. Шунингдек, 2019 йилда ҳам 3 та кўп қавватли арзон уй жойлар қурилиши кўзда тутилган.

Азиз ҳамшаҳарлар!

Биргина 2018 йилнинг ўзида “Обод маҳалла” давлат дастури натижасида Дўстлик ва Навбаҳор маҳаллалари тўлиқ ободонлаштирилиб, инфраструтура объектлари янгиланди. Дастур доирасида мазкур маҳаллаларда Ичимлик суви таъминотини яхшилаш бўйича жами 6,5 км. (Дўстлик МФЙ 3,0 км. 232,6 млн. сўм, Навбаҳор МФЙда 3,5 км. 608.7 млн. сўм) 841,3 млн. сўмлик тармок тортиш ва 1 дона янги артезиан қудуғи қазиш ишлари амалга оширилди.

Электр энергияси таъминотини яхшилаш бўйича жами 7,6 км.  (Дўстлик МФЙ 3,6 км., Навбаҳор МФЙда 4,0 км.) 268,2 млн. сўмлик тармоқ тортиш ишлари амалга оширилди. Дўстлик маҳалласида 4 дона Навбаҳор маҳалласида 2 дона жами 6 дона трансформатор пункти мукаммал таъмирланди, Навбаҳор маҳалласига 1 дона янги трансформатор ўрнатилди.

 Табиий газ ва суюлтирилган газ балонлари билан таъминлаш юзасидан Дўстлик маҳалласида 1,6 км Навбаҳор маҳалласида 1,2 км газ тармоғлари таъмирланди.

 Ички ва хўжаликлараро йўлларни таъмирлаш бўйича жами 2000,0 млн.сўмлик 5,0 кмтаъмирланди.

Шунингдек, инвестиция дастури асосида 2915,7 млн. сўмлик 2 та (Дўстлик МФЙ 1 та, Навбаҳор МФЙда 1 та) мактабгача таълим муассасаси мукаммал таъмирланди. Навбаҳор маҳалласида (210,0 млн.сўм) мукаммал таъмирлаш ишлари олиб борилди.

Шу билан бир қаторда 100 га яқин кўп қавватли уйлар мукаммал таъмирдан чиқарилди.

Инвистиция дастурига асосан 2018 йилда 9,6 км йўллар жорий таъмирлаш ишлари олиб борилмоқда.

Шаҳардаги, 7 сон мактабгача таълим муассасаси капитал таъмирланди.

“Ёшлар келажагимиз” давлат дастури доирасида тадбиркорлик фаолияти билан шуғулланмоқчи бўлган шаҳар ёшларига 2,0 млрд.сўмлик кредит маблағлари ажратилди. Шу билан бир қаторда, ёшлар иттифоқи томонидан 3,280 млн.сўм кредитлар ёш тадбиркорларга ажратилди.

Қадрли хамшахарлар!

Айнан Конституция берган имкониятлар туфайли мамлакатимизда фуқаролик жамияти жадал ривожланмоқда. Ҳуқуқий, ижтимоий соҳаларда ташаббускорлик, жўшқинлик юзага келди.

Ҳеч шубҳасиз, эришилаётган бундай ютуқларда нафақат ёшлар, балки давраларимизнинг кўрки, хонадонларимиз файзи ва фариштаси бўлган отахону онахонларимизнинг ҳам муносиб ҳиссалари бор.

Уларнинг дуолари, барча жабҳаларда сидқидилдан қўллаб-қувватлашлари бизга жўшқинлик ва қанот бағишламоқда.

Қадрли ҳамшаҳарлар!

Жонажон диёримизда юрт равнақи ва эл фаровонлиги йўлида қилинган самарали меҳнат албатта рағбат топишига барчамиз кўп маротаба гувоҳ бўлганмиз.

Бу йил ҳам мустақиллик байрами ва бошқа касб байрамлари арафасида бир гуруҳ юртдошларимиз Ўзбекистон Республикаси Президентининг Фармонлари билан мамлакатимизнинг юксак унвонларига сазовор бўлдилар.

Мукофотланганлар орасида бизнинг ҳамшахримиз, Каттақўрғон шаҳар Педагогика коллежи ўқитувчиси Бозорова Гулбахор Раимовнанинг борлиги ва у “Шухрат” медали билан тақдирланганлиги барчамизнинг кўнглимизни фаҳр ва қувончга тўлдириш билан бирга, ҳаммамизга янада самарали меҳнат қилишга ва янги-янги марраларни забт этишга ундайди.

Қадрли байрам иштирокчилари, азиз Каттақўрғонликлар!

Мамлакатимиз равнақи йўлида фидокорона меҳнат қилаётган, юксак маънавияти, ва самарали меҳнати билан барчага ибрат бўлаётган Сиз, азизларни, Сизнинг тимсолингизда бутун шаҳримиз аҳлини Конституциямизнинг 26 йиллиги билан чин дилдан табриклаймиз.

Сизларга оилавий бахт ва мустаҳкам соғлик тилаймиз.

Юртимиз тинч, осмонимиз мусаффо бўлсин.

Байрамингиз муборак бўлсин!

Эътиборингиз учун раҳмат!

 

2015-2019 © Каттақўрғон шаҳар ҳокимлиги. Сайт яратувчиси: SAKTRM