Давлатимиз раҳбари ташаббуси билан йўлга қўйилган “Аёллар дафтари” ишсиз, ҳаётда қийналган, ижтимоий ёрдамга муҳтож бўлган хотин-қизлар учун жуда катта имконият бўлди десак, муболаға бўлмайди. Шаҳримизда ҳам шакллантирилган рўйхат асосида дафтарга киритилган хотин-қизларга белгиланган йўналишлар бўйича ёрдам кўрсатилди.

Каттақўрғон шаҳар ҳокимлиги Ахборот хизмати томонидан ўтказилган пресс-тур доирасида журналистлар ва матбуот котиблари ана шундай хотин-қизларнинг имкониятлардан қандай фойдаланаётганликлари билан танишдилар.

Т.Худоёрова тикувчилик билан шуғулланиши учун имтиёзли кредит олган. Якка тартибдаги тадбиркор сифатида фаолият олиб бораётган Т.Худоёрова 30 миллион кредит ҳисобига 4 та тикув машинаси олиб фаолиятини бошлаган. Бугунги кунда 5 нафар шогирдларига тикувчилик сирларини ҳам ўргатиб келмоқда.

Тадбиркор келгусида фаолиятини кенгайтириш истагида.

“Зиёлилар” маҳалласидаги яна бир дафтарга киритилиб, бугунги кунда тикувчилик билан шуғулланаётган, ўзи ҳамда қизини бандлигини таъминлаган С.Турсунова ҳам бу имкониятлардан, берилаётган эътибордан хурсанд. Саодат опа бунинг учун шаҳар хокимлиги ва  хотин-қизлар кенгаши вакилларига ўз миннатдорчилигини билдирди.

Саодат опа 20 миллионлик имтиёзли кредитга 4 та тикув машинаси олган. Ҳозирда ушбу тикув машиналари билан фаолият олиб бормоқда.

 

Опа ҳам келгусида фаолиятини кенгайтиришини ва шу орқали ўзи ҳам қўшимча иш ўринлари яратишини таъкидлади.

Каттақўрғон шаҳар ҳокимлиги Ахборот хизмати.