O’zLiDeP Каттақўрғон шаҳар Кенгаши томонидан Каттақўрғон Абу Али ибн Сино номидаги жамоат саломатлиги техникумида ўқув семинари бўлиб ўтди.

“Тадбиркорлик фаолиятига тааллуқли қонун ва ҳуқуқий-меъёрий ҳужжатларни: таништириш ва улар билан ишлашга ўргатиш” мавзусидаги ушбу семинарда O’zLiDeP шаҳар Кенгаши аппарат раҳбари Н.Артиков, партия фаоллари ва ёшлар иштирок этдилар. Унда сўзга чиққанлар ёшларнинг тадбиркорликка оид ташаббуслари, стартап-лойиҳалари ва амалий тадқиқотлари натижалари рўёбга чиқарилишига кўмаклашиш, ёш тадбиркорлик субъектларининг саноат ва хизмат кўрсатиш соҳаларидаги лойиҳаларини ҳар томонлама қўллаб-қувватлаш борасидаги ишлар хусусида сўз юритди.

Семинар давомида ёшларни тадбиркорликка ўқитиш намунавий Бизнес–режаларини ишлаб чиқариш ва кредитлар олишда шаҳар Кенгаши томонидан амалий ёрдам кўрсатиш бўйича келишиб олинди. 

Каттақўрғон шаҳар ҳокимлиги Ахборот хизмати