Янгиликлар

ВАЗИР ЎРИНБОСАРИ ТАРИХИЙ ОБИДАЛАРГА ЗАРАР ЕТКАЗАЁТГАН ОМИЛЛАРНИ САНАБ ЎТДИ

Маданият вазири ўринбосари, санъатшунослик фанлари доктори Камола Оқилова маданий мерос объектларига зарар етиши ва уларнинг йўқ бўлишига сабаб бўлаётган омилларни маълум қилди. Унинг айтишича, энг катта зарар маҳаллий ҳокимиятнинг қурилиш ишларидаги сиёсатидан келиб чиқмоқда.

БИРИНЧИ ТОШКЕНТ ХАЛҚАРО ИНВЕСТИЦИЯ ФОРУМИ КОРОНАВИРУС САБАБЛИ ҚОЛДИРИЛДИ

5−6 март кунлари ўтказилиши режалаштирилган Тошкент халқаро инвестиция форуми коронавирус сабабли кузга қолдирилди.

Ахборот манбаси маълумотларига кўра, тадбир муддатининг кўчирилишига дунёда коронавирус тарқалгани билан боғлиқ. У 12−14 февраль кунлари Сочида ўтказилиши режалаштирилган Россия инвестиция форуми ҳам худди шу сабаб билан номаълум муддатга қолдирилганини таъкидлаб ўтди.

“ЧОРДАРА” МАҲАЛЛАСИДА САЙЁР ҚАБУЛ

19 февраль куни Каттақўрғон шаҳар ҳокими, 1 сектор раҳбари Музаффар Хашимовнинг “Чордара” маҳалла аҳолиси билан сайёр қабули бўлиб ўтди.

 Унда шаҳар Халқ қабулхонаси мудири Х.Шодиева, Адлия бўлими мудири А.Маматов, ҳоким ўринбосари Ф.Раҳимова  ва бошқа қатор идоралар раҳбарлари, тегишли бошқарма ва ташкилотлар вакиллари иштирок этди.

ЁШЛАР УЧУН МЕҲНАТ ЯРМАРКАСИ ЎТКАЗИЛАДИ

Жорий йилнинг 26 февраль куни соат 9-00 да Каттақўрғон шаҳар саноат ва қурилиш касб -ҳунар коллежи биносида ёшлар учун меҳнат ярмаркаси ташкил этилади.

Унда  сектор раҳбарлари - шаҳар ҳокими, шаҳар прокурори, Ички ишлар бўлими бошлиғи, Давлат солиқ инспекцияси раҳбарлари ҳамда бошқа ташкилотлар кўмагида ишсиз ёшларга иш ўринлари таклиф этилади.

Тадбир доирасида қонуний, тартибли, манзилли, муҳими доимий  меҳнат фаолиятини амалга ошириш учун мутахассислар ва ҳуқуқшунослар томонидан ёшларимизга маълумот берилади.

ИҚТИСОДИЙ ЗОНАЛАР ҲАҚИДАГИ ҚОНУН ЯНГИЛАНДИ

«Махсус иқтисодий зоналар тўғрисида"ги янги қонун уч ойдан кейин 1996 йилда қабул қилинган эркин иқтисодий зоналар ҳақидаги қонуннинг ўрнини эгаллайди. Иқтисодий зоналар турларига кўра ажратилади, у ерда амалга ошириладиган инвестиция лойиҳаларига талаб қўйилади.

2015-2020 © Каттақўрғон шаҳар ҳокимлиги. Сайт яратувчиси: SAKTRM