КОРОНАВИРУС “СОVID-19” ҲАМОН ҲУКУМ СУРМОҚДА!

Бутун жаҳон соғлиқни сақлаш ташкилоти (БЖССТ) маълумотларига кўра, юқумли касалликларнинг 80% ини вирусли касалликлар ташкил этади. Вируслар табиатда мунтазам айланиб турганлиги сабабли доимо ўзгариб туради, яъни мутацияга дучор бўлади, бунинг натижасида вирусларнинг янги-янги турлари пайдо бўлади.  
Баъзи коронавируслар гастроэнтерит касаллигининг клиник белгиларини чақиради, касалланган болалар натижасида ҳам топилади.  
Эпидемиологияси: Асосий инфекция манбаи ёввойи ва уй ҳайвонлари, ҳамда бемор одам ҳисобланади. Касаллик ҳаво-томчи, ҳаво-чанг ва мулоқот йўли орқали юқади.  
Мавсумга қараб коронавирус инфекцияси кузнинг охири, қиш ва баҳорнинг бошларида кўп учрайди.  
Клиникаси: Касаллик клиникаси вирус юққандан сўнг 2-4 кун ўтгандан кейин намоён бўлади. Касаллик ўткир, тана ҳароратининг ошиши, яққол ривожланмаган умумий заҳарланиш белгилари билан бошланади. Коронавирус инфекциясининг ўткир гастроэнтерит кўринишида кечиши ҳам аниқланган. Касалликнинг оғир шаклларида нафас йўлларининг пастки қисмлари жароҳатланиб зотилжам, сепсис, септик шок белгилари пайдо бўлади ва беморнинг ўлишига сабаб бўлади.  
Профилактикаси: Тиббий ниқоб ҳар 2 соатда алмаштирилиши керак бўлган ниқоблардан фойдаланинг.  
“Ниқоб бизнинг дўстимиз” шиори остида тиббий ниқоб тақиб юриш шарт.  
Санитария-гигиена қоидаларига қатъий риоя қилиш, қўлларни тез-тез совун билан ювиш. 
Жамоат жойларида албатта 2 метрлик масофа сақланг.  
Касалликнинг илк аломатлари кузатилганда, уйда қолинг ва дарҳол врачга мурожаат қилинг. 
Спиртли дезинфекцияловчи воситаларидан фойдаланинг.  
Байрам тадбирларида карантин қоидаларига қатъий риоя этган ҳолда иштирокчиларни бир марталик ниқоблар ва антисептик воситалар билан таъминлаш шарт. 
Миллий гвардия, ИИБ, СЭО ва ЖС хизмати ходимлари 2021 йилнинг январь ойида тиббий ниқоб тақиш бўйича фуқаролар ўртасида “ниқоб бизнинг дўстимиз!” шиори остида тушунтириш ва тарғибот ишларини олиб бормоқда.  
Х.НЕГМАТОВ, 
Шаҳар Санитария-эпидемиология  
осойишталик ва жамоат саломатлиги  
хизмати санитария врачи.

2015-2024 © Каттақўрғон шаҳар ҳокимлиги. Сайт яратувчиси: SAKTRM